Kortqa jaqyn arada oralamyn – Elena Rybakına

ASTANA. KAZINFORM — Qazaqstannyń birinshi, álemniń 4-raketkasy Elena Rybakına qazaqstandyq jankúıerlerine beıneúndeý jarııalady.

Qazaqstandyq tennısshi Parıjdegi Olımpıada oıyndarynda ulttyq qurama sapynda óner kórsete almaǵanyna ókinetinin jetkizdi.

«Men komandamen birge daıyndaldym, ókinishke qaraı, jarys bastalar aldynda aýyryp qaldym. Men temperatýramen jatyp qaldym, tynys alýym da qıyn boldy, dárigerler maǵan kortqa shyǵýǵa tyıym saldy. Barlyq qazaqstandyq jankúıerlerden aqtalmaǵan úmit pen senim úshin keshirim suraǵym keledi. Men qatty qapalandym, óıtkeni men óz komandammen osy Olımpıada oıyndarynda jaqsy nátıje kórsetý úshin kóp jumys jasaǵanmyn jáne medal jeńgim keldi. Sońǵy ret Tokıodaǵy Olımpıada oıyndarynda medal alýǵa jaqyn boldym jáne bul meniń úlken maqsatym boldy. Men jaqyn arada kortqa shyǵa alamyn dep úmittenemin. Barlyq otandastaryma alǵys aıtqym keledi, óıtkeni álemniń ár túkpirinde oınaǵan saıyn men árqashan úlken qoldaýdy sezinemin jáne stadıondarda kók jalaýymyzdy kórip, árqashan qýanyshty bolamyn. Kóp rahmet jáne kortqa jaqyn arada oralamyn dep úmittenemin», dedi E.Rybakına.

Eske sala keteıik, budan buryn Olımpıadada qazaqstandyq tennısshilerdiń jarysty aıaqtaǵanyn jazǵan edik.

Skatov pen Kýkýshkın Portýgalııadaǵy týrnırdi sátti bastady.