Kortej oqıǵasy: Əkimshilik polıtsııa komıteti tóraǵasynyń orynbasary B.Baltashev qyzmetinen bosatyldy
ASTANA. QazAqparat - Ulynyń toıyna oraı Astananyń bas kóshelerinde jol erejesin óreskel buzǵan kortej oqıǵasynan soń polıtsııa polkovnıgi Baqytjan Balǵabekuly Baltashev qyzmetinen bosatyldy.
Bul týraly Іshki ister mınıstrliginiń baspasóz qyzmeti habarlady.
"Astana qalasynda toı sherýine qatysýshylar jol erejesin buzǵandary úshin jaýapqa tartyldy. Atalǵan fakt boıynsha jalǵa alynǵan avtokólik júrgizýshileri men toı ıesiniń tanystary aıypty dep tanylyp otyr.
Bul Ákimshilik polıtsııa komıteti tóraǵasynyń orynbasary Baltashevtiń ulynyń toıynda oryn alǵan oqıǵa ekeni rastaldy.
Osy jaǵdaıǵa baılanysty polıtsııa polkovnıgi Baltashev Baqytjan Balǵabekuly óz ótinishine sáıkes qyzmetinen bosatyldy",-dep habarlady ІІM baspasóz qyzmeti.
