Kórshisi aldap úıine shaqyrǵan: Almatyda 9 jasar bala zorlyq-zombylyqqa ushyraǵan bolýy múmkin

Bul týraly áleýmettik jelide «Human Rights Lawyers» qorynyń quqyq qorǵaýshysy Lıazzat Raqysheva jazdy. Onyń aıtýynsha, qorǵa balasynyń jaǵdaıyna baılanysty áıel júgingen.

- Sabaqtan keıingi túski úzilis kezinde onyń 9 jasar uly kórshisi tarapynan jynystyq zorlyq-zombylyqqa ushyraǵan. Anasynyń aıtýynsha, kórshisi balany aldap úıine shaqyryp alyp, oǵan qatysty jynystyq sıpattaǵy áreketter jasaı bastaǵan. Balanyń osy kireberiske kirgenin beınejazbadan kórgen anasy ony birden izdeýge shyqqan, - dep jazdy ol.

Atalǵan jazbaǵa Almaty qalasynyń polıtsııa departamenti pikir bildirdi.

- Bul derek boıynsha sotqa deıingi tergeý amaldary júrgizilip jatyr. Azamattyń jeke basyna qatysty derekter anyqtaldy. Qazirgi ýaqytta qajetti tergeý áreketteri júrgizilipjatyr, olardyń nátıjeleri boıynsha Qazaqstan Respýblıkasynyń zańnamasyna sáıkes protsestik sheshim qabyldanady, - dep habarlady departamentten.

Eske salaıyq, buǵan deıin qyzylordalyq jasóspirimniń otbasy qyzdyń bapkerinen zorlyq kórgenin aıtyp, istiń ádil tergelýin surady.