Kórshisiniń kishkentaı qyzyn baılap, ıesiz ǵımaratqa aparyp urǵan kelinshek Jambyl oblysynan ustaldy

ASTANA. QazAqparat - Almaty oblysy Qarǵaly aýylynda kishkentaı qyzdyń aýzy men qolyn shúberekpen baılap, qaraýsyz qalǵan ǵımarattyń aýmaǵyna aparǵan áıel ustaldy, dep habarlaıdy QazAqparat.

Polıtsııa málimetinshe, tekserý barysynda 23 jastaǵy áıeldiń qaıda júrgeni anyqtalǵan.

Ol Jambyl oblysy aýyldarynyń birinen ustalyp, arnaıy polıtsııa bólimshesine jetkizildi.

QR QK 126-babynyń 2-bóligi 5-tarmaǵy (kámeletke tolmaǵan balany bas bostandyǵynan zańsyz aıyrý) boıynsha sotqa deıingi tergeý bastalǵan.

Qazirgi ýaqytta kúdiktiniń qatysýymen qajetti tergeý jumysy júrip jatyr.

Eske sala keteıik, Qarǵaly aýylynda jas kelinshek kishkentaı qyzdyń aýzy men qolyn shúberekpen baılap, ıesiz úıge aparyp urǵan bolatyn.

Keıin polıtsııa áıeldiń ústinen qylmystyq is qozǵady.