Kórshisiniń ıtin jegen óskemendik jazaǵa tartyldy
ÓSKEMEN. QazAqparat - Óskemendik jigit kórshisiniń «ovcharka» tuqymdy ıtin urlap, keıin soıyp jegen. Bul istiń núktesin №2 qalalyq soty qoıdy, dep habarlaıdy QazAqparat tilshisi.
Úıinen otyn izdep shyqqan turǵyn jolaı «ovcharka» tuqymdas ıtti kórip, úıine urlap ákelgen. Keıin ony soıyp jep, terisin aýlaǵa tastaǵan. Iesi ıtti úı kúzetine qajet bolǵan soń, bazardan 30 myń teńgege satyp alǵan eken. Joǵalǵan ıtiniń terisin kórshisiniń aýlasynan taýyp, suraqtyń astyna alady. It jegen jigit qylmysyn moıyndap otyr.
Sot barysynda aıyptalýshy jasaǵan áreketi úshin qatty ókinetinin jetkizdi. Osy jaıtty eskergen sot oǵan eki jyl synaq merzimin taǵaıyndady. Sottalýshy jylyna 240 saǵatqa deıin qoǵamdyq jumysqa tartylatyn bolady.
