Kórshiles elder tarapynan izdeý salynǵan 68 azamat Qazaqstanda ustaldy
ASTANA. Maýsymnyń 16-sy. QazAqparat /Aıdar Ospanalıev/ -Quqyq qorǵaý organdarynyń qyzmetkerleri «Іzdeý» sharasynyń barysynda, Qazaqstan tarapynan izdeýde júrgen 14 azamatty qolǵa túsirdi. Olardyń barlyǵy da respýblıka aýmaǵynan tys jerlerde ustaldy,
dep habarlaıdy QazAqparat.
Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanovtyń aıtýynsha, ustalǵandardyń 2-ýi denege aýyr zaqym ketirgenderi úshin, al 1-ýi kisi óltirgeni úshin izdeýde júrgen. Sondaı-aq shara barysynda elimizdiń aýmaǵynda kórshiles memleketter tarapynan izdeý salynǵan 68 azamat qolǵa tústi. Olardyń 39-yn Ózbekstannyń, 24-in Reseıdiń, 3-ýin Ýkraınanyń quqyq qorǵaý organdary izdestirgen. Sondaı - aq Grýzııa men Túrikmenstan elderiniń de azamattary bar. «Qostanaı oblysy Іshki ister departamentiniń qyzmetkerleri 29 jasar Reseı azamatyn óltirgen Chelıabi oblysynyń turǵynyn ustady. Ol 2002 jyldan beri izdeýde júrgen. Qazirgi tańda atalmysh azamatty eline ekstradıtsııalaý máselesi sheshilýde. Sondaı-aq Tashkent qalasynda kisi óltirgeni úshin izdeýde júrgen 34 jasar Ózbekstan azamaty Almatyda qolǵa tústi», dedi Q.Jumanov.
Esterińizge sala keteıik, «Іzdeý» keń aýqymdy sharasy maýsymnyń 7-si men 11-i aralyǵynda júrdi.
