Kórshiles eki oblystyń jol tártip saqshylary birlesken is-qımyl tanytty - Aqmola oblysy
KÓKShETAÝ. 4 qarasha. QazAqparat /Janmurat Janaıdarov/ - Qostanaı oblysy aýmaǵynda kólik urlaǵan jas jigitterdi Aqmola oblysynyń jol tártip saqshylary quryqtady.
Jaısyz jaǵdaı ótken aptanyń sársenbisinde kórshiles oblystyń Qarasý kentinde oryn alǵan. Qarýly jigitter «Mersedes» jeńil kóligin minip ketip, Esil aýdanyna bet alǵan. Qostanaılyq jol polıtseıleri kórshiles áriptesterine habarlasyp járdemdesýdi ótkinedi. Osyndaı sýyt habardy alǵan aqmolalyqtar Esil aýdanynda eki baǵyttaǵy jol boıynda «Tulpar» jáne «Sırena» aldyn alý is-sharasyn qolǵa alady. Qashqyndar toqtamaǵan soń eskertý retinde tabeldi tapansha qoldanýlaryna týra kelgen. Seskengen qashqyndar tapanshalaryn laqtyryp jibergen. Qolǵa túsken kúdiktiler Atbasar qalasynyń 18 ben 19-daǵy býyny bekimegen jastar bolyp shyqty. Kólik qýǵynyna qatysqan ýchaskelik ınspektor A.Grışenko, jol polıtseıleri R.Satanov, R.Beısenov, A.Abdýllındi qostanaılyq áriptesteri syı-sııapatqa bólese, bógdeniń kóligin ıemdenbek bolǵandardy aqmolalyqtar jazalamaq.
