Kórshiler eki kishkentaı balany órtten qutqara almady - QR TJM
ASTANA. 14 jeltoqsan. QazAqparat - Almaty oblysynyń Aqsý qalasynda beısenbi kúni kúndiz jekemenshik turǵyn úıde 10 sharshy metrge taraǵan órt boldy, dep habarlaıdy QR TJM-nen.
Ony órt sóndirý bólimsheleri kelgenge deıin kórshiler sóndirdi.
Oqıǵa ornynda kishkentaı náreste men 5 jasar balanyń múrdeleri tabyldy.
Órt sóndirýge QR TJM Almaty oblystyq TJD-gi órt sóndirý qyzmetiniń 4 adamy men 1 tehnıkasy shyqty.
Budan basqa, Almatydaǵy «Barys» saýda kesheniniń aýmaǵynda keshe keshki ýaqytta halyqtyq tutyný taýarlary bar 4 konteıner órtene bastady. Jalyn búgin túnde sóndirildi. Órt 60 sharshy metr aýmaqty sharpydy. Qaza tapqandar men zardap shekkender joq. Órtpen kúreste QR TJM Almaty qalalyq TJD-gi órt sóndirý qyzmetiniń 45 adamy men 13 tehnıka birligi jumyldyryldy.
