Kórshi elderge áleýmettik kómirdi avtokólikpen shyǵarýǵa shekteý qoıylady

NUR-SULTAN. QazAqparat – Elimizdiń óńirlerine kómir jetkizý úshin vagondar parki artady. Bul týraly Úkimet otyrysynda jyly berý maýsymyna daıyndyq máselesin talqylaý kezinde Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«Razrezderde kómir tolyq mólsherde bar, kómirdi óndirý josparly túrde júrgizilip jatyr, razrezderdegi kómirdiń baǵasy ótken jylǵy deńgeıde qalyp otyr», - dedi Q. Óskenbaev

Sonymen qatar ol jylý berý maýsymyn sátti júrgizý úshin mınıstrlik qosymsha sharalar qabyldap jatqanyn aıtty.

«Kommýnaldyq-turmystyq sektor men turǵyndarǵa kómir jetkizý úshin «Qazaqtemirtrans» aktsıonerlik qoǵamyna vagondar parkin ulǵaıtý eskerilgen. Budan bólek, deldaldardy aınalyp ótýge múmkindik beretin bırja arqyly kómirdi satý úlesin 50 paıyzǵa deıin arttyrý qarastyrylǵan», - dedi mınıstr.

Munymen qosa vedomstvo basshysy kórshi memleketterge áleýmettik kómirdi avtokólikpen áketýdi shekteý boıynsha qosymsha sharalar qabyldanatynyn atap ótti.