Qorshaýdaǵy Lenıngrad ýaqytyndaǵy retrotramvaılar qaıtadan estelik saparǵa shyǵady

SANKT-PETERBOR. Sáýirdiń 14-i. QazAqparat /Elena Mıagkova/ Sankt-Peterborda erteńnen, sáýirdiń 15-inen bastap, qorshaýda qalǵan Lenıngradta tramvaı qozǵalysynyń qaıta qalpyna keltirilgenine 68 jyl tolýyna oraı, dańqty tramvaılardyń retro-vagondary merekelik saparǵa attanady.

Qorshaýdaǵy Lenıngradta jolaýshylar tramvaılarynyń turaqty saparlary 1942 jylǵy sáýirdiń 15-inde qaıta qalpyna keltirilgen edi. 1941 jyldyń jeltoqsanynda tramvaılar qozǵalysynyń búkil tarıhynda tuńǵysh ret, 1907 jyldan bergi kezeńde, qorshaýdaǵy qalanyń mundaı kólikteri elektr qýatynyń berilmeýinen toqtatylǵan bolatyn.

Saltanatty saparǵa qala kásiporyndarynyń, Uly Otan soǵysynyń ardagerleri jáne qorshaýdaǵy Lenıngradtyń turǵyndary qatyspaq. Olar sap túzegen soǵys kezindegi tramvaı vagondarymen qalany aralaıdy jáne soǵys pen qorshaý kezindegi oqıǵalarǵa qatysty tanymal jerlerde bolady, memorıaldyq taqtaǵa gúl shoqtaryn qoıady.