Qorshaǵan ortany lastaǵany úshin «QPO b.v.» kompanııasynan 7,3 mlrd. jýyq teńge óndirildi - BQO

ORAL. QazAqparat - BQO tabıǵat qorǵaý prokýratýrasy «Qarashyǵanaq Petrolıým Opereıtıng b.v.» kompanııasy qazaqstandyq fılıalynyń aýaǵa las qaldyqtardy shyǵarǵandyǵyn anyqtady.

Oblys prokýratýrasynyń baspasóz qyzmetinen túsken málimetke qaraǵanda, BQO boıynsha ekologııa departamentine atalǵan zańbuzýshylyqty joıý týraly usynys engizildi.

Sonyń negizinde ekologııa departamenti jospardan tys tekserý júrgizip, shyǵyn kólemin anyqtady. Sonyń nátıjesinde «QPO b.v.» kompanııasynan sot tártibimen memleket bıýdjetine 7 mlrd. 286,716 mln. teńge óndirildi.