Qorshaǵan ortany qorǵaý mınıstrliginiń kásiporyndary respýblıka aýmaǵyndaǵy qaýipti qaldyqtardy basqarýdy júrgizýi tıis - S.Ahmetov
ASTANA. 30 qańtar. QazAqparat /Marlan Jıembaı/ - Qorshaǵan ortany qorǵaý mınıstrliginiń kásiporyndary respýblıka aýmaǵyndaǵy qaýipti qaldyqtardy basqarýdy júrgizýi tıis.
Bul týraly búgin atalǵan vedomstvonyń alqa májilisine qatysqan QR Premer-Mınıstriniń birinshi orynbasary Serik Ahmetov aıtty.
Onyń atap ótýinshe, el aýmaǵynda sot sheshimimen respýblıkalyq menshikke berilgen qaýipti qaldyqtar bar. Olardy basqarýdy mınıstrlikke qarasty kásiporyndar júrgizýge tıisti.
«Degenmen, qazirgi ýaqytqa deıin olardy basqarý boıynsha jumystar júrgizilip otyrǵan joq. Atalǵan máseleni sheshý úshin Qorshaǵan ortany qorǵaý mınıstrligi Qarjy mınıstrligimen jáne basqa da múddeli memlekettik organdarmen birlesip, bir aıdyń ishinde Úkimetke naqty usynys engizýi tıis», - dedi S.Ahmetov.
