Qorshaǵan ortany qorǵaý mınıstrligi Ekologııalyq kodekske ózgeris engizbek
ASTANA. 24 maýsym. QazAqparat /Aıdar Ospanalıev/ - Qorshaǵan ortany qorǵaý mınıstrliginde munaıdyń tógilýimen baılanysty barlyq apattarǵa jedel sharalar qoldaný maqsatynda Munaıdyń tólgilýiniń aldyn alý jáne oǵan den qoıý jónindegi ulttyq jospar ázirleý boıynsha, vedomstvoaralyq jumys toby quryldy.
Bul týraly búgin Qorshaǵan ortany qorǵaý mınıstrliginiń keńeıtilgen alqa májilisinde atalmysh mınıstrliktiń Ekologııalyq retteý men baqylaý komıtetiniń tóraǵasy Saǵymbek Mutashevtiń sózinen málim boldy.
Óz sózinde Elbasy Nursultan Nazarbaevtyń Úkimetke teńizdegi munaı operatsııalarynyń ekologııalyq qaýipsizdigin qamtamasyz etýdi tapsyrǵandyǵyn atap ótken komıtet traǵasy: «Búgingi kúni «Nord Kaspıı Opereıtıng» kompanııasyna qarasty Kaspıı teńizindegi «Qashaǵan», «Qarabatan», «Qalamqas», «Aqtoty» jáne taǵy basqa ken oryndarynda munaı óndirý nysandarynyń qurylysy aıaqtalýda. Jaqyn arada olardy ónerkásip nysany retinde ázirleý sharalary bastalady. Sondyqtan Kaspıı teńiziniń ekologııalyq qaýipsizdigi úlken mańyzǵa ıe bolyp otyr. Osy maqsatta mınıstrlik tarapynan Ekologııalyq kodekske tıisti ózgerister ázirlendi. Ol ózgerister Parlament qaraýyna engizildi»,-dedi S.Mutashev.
