Qorshaǵan ortany lastaǵan kásiporyndarǵa 322,9 mlrd teńgege aıyppul salyndy

ASTANA. KAZINFORM – Ótken jyly elimizde kásiporyndardyń qorshaǵan ortany lastamaý talaptardyń buzylýyna qatysty 1 679 fakti anyqtalyp, jalpy kólemi 322,9 mlrd teńgege ákimshilik aıyppul salyndy. Bul týraly Ekologııa jáne tabıǵı resýrstar mınıstri Erlan Nysanbaev málim etti. 

«Byltyr ekologııalyq zańnamanyń saqtalýyn baqylaý maqsatynda 652 tekserý is-sharasy ótti. Onyń nátıjesinde 1 679 zańbuzýshylyq anyqtalyp, uıǵarym berildi. Jalpy kólemi 322,9 mlrd teńgege ákimshilik aıyppul salyndy. Qorshaǵan ortany lastaǵany úshin úlken kólemdegi aıyppul «Karabatan Utility Solutions» JShS (7,2 mlrd teńge) jáne «Teńizshevroıl» JShS-ǵa (2,8 mlrd teńge) salyndy», - dedi Erlan Nysanbaev Úkimet otyrysynan keıin ótken baspasóz máslıhatynda.

Odan bólek, mınıstr ótken jyly iri kólemde aıyppul salynǵan óńirlerdi atady.

«Shyǵys Qazaqstan oblysy 2,6 mlrd teńge, Qyzylorda oblysy 681,8 mln teńge, Abaı oblysy 677,5 mln teńge, Aqtóbe oblysy 133,8 mln teńgege aıyppul arqalady», - deıdi vedomstvo basshysy.

E. Nysanbaevtyń aıtýynsha, aıyppuldardyń basym bóligi normatıvten tys shyǵaryndylar men óz erkimen (arnaıy ruqsatsyz) emıssııalar úshin salyndy.