Qorshaǵan ortaǵa keltirilgen zalaldyń ótemi retinde tólengen qarajat maqsatsyz jumsalady
ASTANA. QazAqparat - Qorshaǵan ortaǵa keltirilgen zalaldyń ótemi retinde tólengen qarajat maqsatsyz jumsalady. Bul týraly búgin Qazaqstan Ekologııalyq uıymdary qaýymdastyǵynyń basqarma tóraǵasynyń orynbasary Ashat Súleımenov aıtty, dep habarlaıdy QazAqparat tilshisi.
«Ekologııalyq tólemderdi maqsatty paıdalanylýyna aıryqsha nazar aýdaryp otyrmyz. Túrli baǵalaýlarǵa qaraǵanda barlyq ekologııalyq tólemderdiń kólemi jylyna 70-ten 120 mlrd teńgege deıingi somany quraıdy. Bul rette emıssııa men zalalǵa ótem retinde bıýdjetke túsken qarajattyń maqsatty paıdalanylýy joq jáne kóp jaǵdaıda ekologııalyq máselelerdi sheshýge jumsalmaıdy», - dedi ol «Qazaqstannyń ozyq qoljetimdi tehnologııalar prıntsıpine kóshýi: qazirgi jaǵdaı men keleshegi» atty halyqaralyq konferentsııa barysynda.
Onyń aıtýynsha, mundaı saıasat kásipordardy jasyl tehnologııalardy kóshýge yntalandyrmaıdy. Sebebi olar «báribir keledi jáne jazalaıdy» dep oılaıdy.
«Keıbir óńirlerde qorshaǵan ortany qorǵaýǵa arnalǵan sharalardyń shyǵystary alynǵan tólem kóleminiń 0,1, 1,8, 2,2 paıyzyn ǵana quraıdy. Bul durys emes dep esepteımiz. Halyqaralyq tájirıbede qorshaǵan ortany lastaǵany úshin túsetin qarajat ony qalpyna keltirý úshin jumsalady. Máselen, Cheh Respýblıkasynda ozyq qoljetimdi tehnologııalardy engizgen kásiporyndarǵa memleket tehnologııalar qunynyń 60 paıyzǵa deıingi mólsherin teń qarjylandyrady», - dedi.
A.Súleımenovtiń sózine qaraǵanda, jyldan jylǵa elimizdegi ekologııalyq ahýal turaqsyzdanyp, nasharlaı túsýde. «Qazgıdromet» málimetterine sáıkes, 2016 jyly aýa atmosferasynyń eń joǵary deńgeıde lastanýynyń 2837 jáne kúrt joǵary lastanýynyń 550 oqıǵasy tirkelgen.
