Qorshaǵan ortaǵa emıssııalardyń normatıvterin aıqyndaý ádistemesin bekitý týraly buıryqqa ózgerister engizildi
Buıryq búgin, 17 qarasha kúni respýblıkalyq BAQ-ta jarııalandy.
Osylaısha, árbir kásiporynnyń qoldanystaǵy, jobalanatyn jáne qaıta jańartylatyn lastaýshy kózderi úshin shyǵaryndylar normatıvteri mánderdiń jıyntyǵy boıynsha belgilenedi. Munaı operatsııalaryn júrgizgen kezde ilespe jáne tabıǵı gazdy jaǵý kezinde atmosferaǵa lastaýshy zattar shyǵaryndylarynyń normatıvteri Qazaqstan Respýblıkasy Energetıka mınıstriniń 2014 jylǵy 21 qazandaǵy №64 buıryǵymen bekitilgen esepteý ádistemesi negizinde anyqtalady.
Qazaqstan Respýblıkasy Energetıka mınıstrliginiń buıryǵy №254
2016 jylǵy 17 maýsym Astana qalasy
«Qorshaǵan ortaǵa emıssııalardyń normatıvterin aıqyndaý ádistemesin bekitý týraly» Qazaqstan Respýblıkasy Qorshaǵan ortany qorǵaý mınıstriniń 2012 jylǵy 16 sáýirdegi № 110-ó buıryǵyna ózgerister engizý týraly
Buıyramyn:
1. «Qorshaǵan ortaǵa emıssııalardyń normatıvterin aıqyndaý ádistemesin bekitý týraly» Qazaqstan Respýblıkasy Qorshaǵan ortany qorǵaý mınıstriniń 2012 jylǵy 16 sáýirdegi № 110-ó buıryǵyna (Normatıvtik quqyqtyq aktilerdi memlekettik tirkeý tiziliminde № 7664 bolyp tirkelgen, 2012 jylǵy 11 shildede «Egemen Qazaqstan» gazetinde № 383-388 (27462) sanynda jarııalanǵan) mynadaı ózgerister engizilsin:
kórsetilgen buıryqpen bekitilgen Qorshaǵan ortaǵa emıssııalardyń normatıvterin aıqyndaý ádistemesinde:
2-tarmaq mynadaı redaktsııada jazylsyn:
«2. Esepteý jolymen ártúrli ortalarǵa emıssııalar normatıvteri, sonyń ishinde atmosferaǵa statsıonarlyq kózderden lastaýshy zattardyń shekti jol berilgen shyǵaryndylarynyń, sý obektilerine, jergilikti jer bederine, súzgileý alańdaryna, sarqyndy sýlar jınaqtaýyshtaryna lastaýshy zattardyń tógindileriniń normatıvteri, óndiris jáne tutynys qaldyqtaryn ornalastyrý normatıvteri aıqyndalady.»;
3-tarmaqtyń ekinshi bóligi mynadaı redaktsııada jazylsyn:
«Emıssııalardyń árbir stantsıonarlyq kózi úshin jáne kásiporyndy tolyq alǵanda eseptemelerdiń negizinde shekti jol berilgen shyǵaryndylary men tógindileriniń normatıvteri, sondaı-aq óndiris qaldyqtaryn ornalastyrý jáne tutyný normatıvteri qorshaǵan ortanyń sapasy normatıvterine jetý maqsatynda sanıtarııalyq qorǵanysh aımaǵy jáne jaqyn ornalasqan selıtebtik aýmaqtar shekarasynda belgilenedi.»;
4-tarmaqtyń ekinshi bóligi mynadaı redaktsııada jazylsyn:
«Jalpy kásiporyn úshin shyǵaryndylar normatıvteri osy kásiporynnyń qoldanystaǵy, jobalanatyn jáne qaıta jańartylatyn lastaýshy kózderi úshin shyǵaryndylar normatıvteri mánderiniń jıyntyǵy boıynsha belgilenedi. Munaı operatsııalaryn júrgizgen kezde ilespe jáne (nemese) tabıǵı gazdy jaǵý kezinde atmosferaǵa lastaýshy zattar shyǵaryndylarynyń normatıvteri (g/s, t/jyl), Qazaqstan Respýblıkasy Energetıka mınıstriniń 2014 jylǵy 21 qazandaǵy №64 buıryǵymen (Normatıvtik quqyqtyq aktilerdi memlekettik tirkeý tiziliminde № 9915 bolyp tirkelgen) bekitilgen, Munaı operatsııalaryn júrgizgen kezde ilespe jáne (nemese) tabıǵı gazdy jaǵýdyń normatıvteri men kólemderin esepteý ádistemesine sáıkes eseptelgen kólemderi negizinde anyqtalady.»;
4-bólim alynyp tastalsyn;
5-qosymsha osy buıryqtyń qosymshasyna sáıkes jańa redaktsııada jazylsyn.
2. Qazaqstan Respýblıkasy Energetıka mınıstrliginiń Munaı-gaz keshenindegi ekologııalyq retteý, baqylaý jáne memlekettik ınspektsııa komıteti Qazaqstan Respýblıkasynyń zańnamasynda belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi, Qazaqstan Respýblıkasy etalon baqylaý normatıvtik quqyqtyq aktiler bankine engizý úshin;
3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıtse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Energetıka mınıstri Q. BOZYMBAEV
Qazaqstan Respýblıkasy Energetıka mınıstriniń 2016 jylǵy 17 maýsymdaǵy № 254 buıryǵyna qosymsha
Qorshaǵan ortaǵa emıssııalar normatıvterin aıqyndaý ádistemesine 5-qosymsha
Kásiporyn boıynsha lastaýshy zattardyń shyǵaryndylarynyń normatıvteri
Óndiris, tseh, bólim Shyǵa-ryndy kóziniń nómiri Lastaýshy zattardyń shyǵaryndylarynyń normatıvteri REShSh jetý jyly
Lastaýshy zattyń kody men ataýy Іs júzindegi jaǵdaı 20__ jyl 20__ jylǵa ......... 20__ jylǵa REShSh
g/s t/jyl g/s t/jyl g/s t/jyl g/s t/jyl g/s t/jyl
1 2 3 4 5 6 ... .... 14 15 16 17 18
Uıymdastyrylǵan kózder
sonyń ishinde alaý*
Uıymdastyrylǵandar boıynsha barlyǵy
Uıymdastyrylmaǵan kózder
Uıymdastyrylmaǵandar boıynsha barlyǵy
Kásiporyn boıynsha barlyǵy
*
uńǵyma obektilerin, ken ornyn synamalyq paıdalaný, gazdy tehnologııalyq turǵydan eriksiz jaǵý (sonyń ishinde tehnologııalyq jabdyqty qosý-jónge keltirý, paıdalaný, tehnıkalyq qyzmet kórsetý men jóndeý kezinde, sonymen qatar tehnologııalyq jabdyqtardyń jumys kezindegi tehnologııalyq shalystar, sátsizdikter men aýytqýlar kezinde) kezinde ilespe jáne (nemese) tabıǵı gazdy jaǵý
Eskertpe. Keste kodtarynyń ósýi boıynsha ornalasqan zattar boıynsha qurastyrylǵan.
Buıryq Qazaqstan Respýblıkasynyń Ádilet mınıstrliginde 2016 jylǵy 26 shildede Normatıvtik quqyqtyq kesimderdi memlekettik tirkeýdiń tizilimine №13990 bolyp engizildi.
