Kórshi memlekette qylmys jasap, qashyp ketken azamat Pavlodarda ustaldy
PAVLODAR. KAZINFORM - Pavlodarlyq jedel ýákilder kórshi memlekettiń izdeýde júrgen azamatyn anyqtap, qolǵa túsirdi. Ol budan eki jyl buryn ózgeniń múlkine qasaqana zııan keltirip, qashyp ketken.
Pavlodarlyq jedel ýákilder tergeý organdary men sottan jasyrynǵan adamdardyń ornalasqan jerin anyqtaýǵa baǵyttalǵan is-sharalardy turaqty ótkizedi. Sondaı sharalardyń birinde kórshi memleketten qashyp kelgen qylmysker izdestirilip, ustaldy.
- Ustalǵan er azamat 2022 jyldyń qazan aıynda kórshi memlekettiń aýmaǵynda bótenniń múlkine qasaqana zııan keltirgen. Odan soń quqyq qorǵaý organdarynan qashyp ketip, izdeý salynǵan. Jyl basynan beri Pavlodar oblysynyń polıtseıleri sot tóreliginen jasyrynǵan, qylmys jasaǵan 50 -ge jýyq qylmyskerdi quryqtady, - deıdi Pavlodar oblysy polıtsııa departamenti krımınaldyq polıtsııasynyń bastyǵy Balǵabaı Qaparov.
Eske sala keteıik, TMD boıynsha izdeýde júrgen 24 qylmysker SQO-da ustaldy.
