Kórsetken qoldaýy úshin Elbasyǵa rızamyn - Olımpıada chempıony Ilıa Ilın
- Sportshylardyń densaýlyqtarynda problemalar bolyp turatynyn ol kisi óte jaqsy túsinedi. Ókinishke qaraı, men ózimniń basymdaǵy jaǵdaı týraly buqaralyq aqparat quraldary arqyly aıtýǵa májbúr boldym, - deıdi chempıon.
- Ilıa, qazir densaýlyǵyńyz qalaı?
- Mende omyrtqa jaryǵy bar, bul problema 18 jasymda paıda boldy. Maǵan joǵary bilikti em-dom qajet. Biraq qazir men úshin eń bastysy materıaldyq jáne turmystyq problemalarymdy sheshý bolyp otyr. Men sábıli boldym, qyz bala dúnıege keldi jáne maǵan otbasyma materıaldyq qoldaý qajet. Birde áýejaıda men Qyzylorda oblysynan saılanǵan Májilis depýtaty Bolat Ábenovpen kezdesip qaldym. Men ol kisimen jaqsy tanyspyn. Ol kisige barlyq problemalarymdy, jalaqymnyń joq ekenin, baspana problemalaryn ashyq aıtyp berýge týra keldi. Halyq qalaýlysyna rahmet, Sport jáne týrızm mınıstrligine depýtattyq saýal joldady. Múmkin, jaqyn arada meniń problemalarym sheshilip qalar.
- Omyrtqańyzdy qalaı emdetpeksiz?
- Omyrtqa súıeginiń problemalary boıynsha neırohırýrgııanyń úzdik mamandary Germanııada jumys isteıdi. Barlyq sýretter men taldaýlardy solarǵa jónelttik. Olar zerttegennen keıin, qandaı em-dom qoldanylatyny anyq bolady. Memleket tarapynan kómek bolady dep úmittenemin.
- ıAǵnı, aýyr atletıkadan álem chempıonatyna siz daıyndalǵan joqsyz ǵoı?
- Beıjińdegi jeńisten eki saǵattan keıin men jattyqtyrýshylarǵa 2009 jylǵy álem chempıonatyna qatyspaıtynymdy málim ettim. Olar meni tolyq qoldady. Bul jarystarǵa qatysý men úshin mindetti emes, sebebi bıylǵy álem chempıonatynda lıtsenzııalar sarapqa salynbaıdy.
Sportshyǵa rýhanı jáne densaýlyq teńgerimi qajet. Al men qazir ondaı jaǵdaıda emespin. Maǵan, eń aldymen, turmystyq máselelerimdi sheship alýym kerek. Kelesi jyly lıtsenzııalyq chempıonat ótedi, men soǵan daıyndalmaqpyn. Tabysty óner kórsetemin dep úmittenemin. Oǵan qosa, mańyzy jaǵynan Olımpıadadan keıin Qazaqstan úshin ekinshi orynda turǵan Azııa oıyndary bar. Dál osy jarystarda men ózimdi kórsetýim kerek.
- Jattyqtyrýshyńyzben qarym-qatynasyńyz qalaı?
- Jasyrmaımyn, sońǵy ýaqytta túsinispeýshilikter paıda bolýda. Men týraly «juldyz aýrýyna shaldyqty» dep aıtaıtyndaı olarǵa negiz bergen joqpyn.
- Biraq sizdi jattyǵýǵa kelmeıdi dep aıyptap otyr ǵoı?
- Olımpıadadan keıin óz ótinishimdi jattyqtyrýshylarǵa aýyzsha aıtqan bolatynmyn: maǵan qalpyma kelýge ýaqyt kerek boldy. Olardyń barlyǵy meniń sheshimimdi biraýyzdan qoldady da. Endi kelip, meniń atyma «raport jazbady» degen aıyptaýlar aıtylýda. Shynyn aıtsam, maǵan ony eshkim túsindirgen joq.
- Sizdiń jaraqatyńyzdy emdeýge jattyqtyrýshylaryńyz atsalysyp jatyr ma?
- Álem chempıonatyna, olımpıadaǵa daıyndalǵan kezde, olar meni alaqandaryna salyp emdedi. Al Beıjiń Olımpıadasynan keıin meniń densaýlyǵym olardy asa tolǵandyryp otyrǵan joq. Biraq, barlyq máseleniń túıini sheshiledi jáne men Qazaqstanǵa áli talaı jeńis áperemin dep úmittenemin.
