Korporatıvtik basqarý qosymsha bıýrokratııalyq protsedýraǵa aınalyp barady - Prezıdent
«Kvazımemlekettik kompanııalardyń korporatıvti basqarýyn jaqsartý syndy mańyzdy máseleni de sheshý qajet. Elimizde ondaǵan ulttyq kompanııalar men on myńdaǵan memlekettik kásiporyndar bar. Alaıda iri kvazımemlekettik uıymdar tabyspen qamtamasyz etýdi kózdeıtin aktsıonerlik qoǵam bolyp sanalady. Eger olarǵa memlekettik fýnktsııalardyń bóligi berilse, olardyń qyzmeti azamattar men ekonomıka úshin taza servıstik, kómekshi sıpatta bolýy kerek», - dep atap ótti Prezıdent.
Memleket basshysy kóptegen aktsıonerlik qoǵamda túsinikter aralasyp ketkenin synǵa aldy.
«Korporatıvtik basqarý qosymsha bıýrokratııalyq protsedýraǵa aınalyp barady. Tutas kvazımemlekettik sektordyń reformasyn jalǵastyrý kerek. Keı sheshimder búgin jarııalanady. Qalǵandary boıynsha Úkimet usynym beredi», - dedi Q. Toqaev.
