Korporatıvtik basqarý kez kelgen kompanııanyń qyzmetinde tıimdilik kepili bola alady
ALMATY. 26 qarasha. QazAqparat /Erlik Erjanuly/ - Korporavtıvtik basqarý kez kelgen kompanııanyń qyzmetinde onyń ınvestorlar men kredıtorlar úshin tartymdylyǵyndaǵy tıimdilik kepili.
Bul týraly búgin Almatyda ótip jatqan Korporatıvtik basqarý jónindegi ІІІ Ortalyq Azııalyq sammıtte aıtyldy.
"Korporatıvtik basqarýdyń negizi kompanııada quqyqtyq mádenıet pen etıkalyq júris-turys qaǵıdalary men naqty naryqtyq tetikterdiń bolýy, sondaı-aq qurylymdyq uıymdardyń tıimdiligi men onyń organdarynyń árekettiliginde. Qurylymdyq jáne eseptiliktiń ashyq nobaıynyń bolmaýy, uıymdastyrylǵan basqarýdyń jetkiliksizdigi jumys istep turǵan kompanııalar men áleýetti ınvestorlar jáne onyń qyzmetin tutynýshylar úshin táýekeldiń eleýli faktorlary sanalady. Kompanııalardaǵy korporatıvtik basqarý júıesiniń tabysty jumys isteýi úshin minsiz retsept joq. Ár kompanııa ózinshe bólek jáne árbir jaǵdaıynda tek naqty zańdy tulǵaǵa qatysty táýekeli bolady", - deıdi QR Qarjy naryǵy men qarjy uıymdaryn retteý jáne qadaǵalaý agenttiginiń Baǵaly qaǵazdar men zeınetaqy jınaqtaý qorlary naryǵy sýbektilerin qadaǵalaý deparatamentiniń qashyqtyqtan baqylaý basqarmasynyń bastyǵy Qýanyshbek Ábjanov.
Onyń aıtýynsha, osy sebepti de zań shyǵarýshy tek bazalyq qaǵıdattardy jáne korporatıvtik basqarý júıesiniń jumys isteý júıesiniń jalpy úlgisin qaraýy múmkin. Al ereksheligi men úderisin táptishtep jazý ishki qujattarda bolýy tıis. Kompanııa menedjmenti men onyń aktsıonerleri, kompanııalar men onyń qyzmetin tutynýshylar arasyndaǵy jáne kompanııalar men organdar arasyndaǵy qarym-qatynasty retteýi kerek. Mundaı qujat alǵashqy kezekte Korporatıvtik basqarý kodeksi bolýy tıis.
