Korporatıvtik basqarý endi ǵalamdyq ekonomıkalyq ortanyń bóligine aınaldy - Standard & Poor's korporatıvtik basqarý reıtıngi qyzmetiniń dırektory
; ALMATY. Maýsymnyń 10-y. QazAqparat /Erlik Erjanuly/ - Korporatıvtik basqarý - táýekel kózi. Bul búgin Almatyda «Korporatıvtik basqarý: daǵdarys sabaqtary, jańa múmkindikter jáne qolaıly úlgiler» dep atalatyn V Halyqaralyq konferentsııada aıtyldy,
dep habarlaıdy QazAqparat.
«Búkilálemdik banktiń «Doing Business 2010» zertteýinde 178 eldiń ishinde isti júrgizýdiń ashyqtyǵynda Brazılııa - 129, Reseı -120, Úndistan -133, Qytaı -89, Qazaqstan - 63 orynda boldy. Al olar ınvestorlardy qorǵaýda óz retine qaraı - 73, 93, 41, 93, 57; mindetteme kelisimshartaryn oryndaýda - 10, 19, 182, 18, 34 jáne nesıe alýda - 87, 87, 30, 61, 43 satyǵa ornalasty», deıdi Standard & Poor's korporatıvtik basqarý reıtıngi qyzmetiniń dırektory Svetlana Borodına. Onyń aıtýynsha, ınvestorlar jaqsy korporatıvtik basqarýdaǵy kompanııalardyń aktsııalaryna syıaqy tóleýge daıyn. Bul Latyn Amarıkasynda 28 paıyz, Azııada 28 paıyzǵa jýyq, Eýropada 23 paıyz, AQSh pen Ulybrıtanııada 19 paıyzdy quraıdy.
«Jalpy korporatıvtik basqarýdy jaqsartýdaǵy alǵashqy qadam - ashyqtyqty arttyrý. Ulttyq standarttardy Halyqaralyq qarjylyq eseptik standartyna sáıkestendirýge Úndistan - 2000 jyly, Reseı - 2004 jyly, Qytaı - 2006 jyly, Brazılııa - 2007 jyly qol jetkizdi. Al oǵan tolyq kóshýdi Qazaqstan - 2007 jyly, Brazılııa - 2010 jyly júzege asyrsa, Úndistan ony 2011 jylǵa josparlaýda. Al Qytaı men Reseıde bul áli belgisiz», deıdi Svetlana Borodına. Standard & Poor's korporatıvtik basqarý reıtıngi qyzmeti dırektorynyń sózine qaraǵanda, ınvestorlardyń kózqarasynsha olardy Reseı aktsııa naryǵynan alshaqtaıtyn negizgi táýekelder birnesheý. Olar - munaı men gaz ( 77 paıyz), korporatıvtik basqarý deńgeıi (69 paıyz), saıasatkerler men memlekettik baqylaýdyń yqpaly (51 paıyz), aımaqtardaǵy tutynýshylyq suranystyń tómendeýi (40 paıyz), shamadan tys qaryz ben ony qaıtarý merziminiń qysqalyǵy (14 paıyz), valıýta qubylmalyǵy (11 paıyz) jáne ótimdiliktiń tómendigi (11 paıyz). Bul Shotlandııanyń koroldik bankiniń 2009 jyldyń jeltoqsanynda álemniń túrli elderindegi 40 ınstıtýttsıonaldyq ınvestorlar arasynda júrgizilen saýalnamasynyń qańtardyń 10-y kúni jarııalanǵan qorytyndysynda málim boldy.
