Koronovırýs: Aqmola oblysynda 89 naýqastyń jaǵdaıy aýyr
Basqarmasy basshysy orynbasarynyń aıtýynsha, búgingi kúni Aqmola oblysynda koronavırýstyq ınfektsııamen aýyratyn naýqastarǵa statsıonarlyq medıtsınalyq kómekti 1750 ınfektsııalyq jáne 195 reanımatsııalyq tósek orny bar 23 medıtsınalyq uıym kórsetetinin atap ótti. Onyń ishinde 730 ınfektsııalyq (42%) jáne 84 reanımatsııalyq (43%) tósek oryn bar.
«Koronavırýstyq ınfektsııanyń saldarynan 89 naýqas reanımatsııada aýyr hálde jatyr. Ótken aptada olardyń sany 104 boldy, ıaǵnı 14 paıyzǵa azaıdy. Aǵymdaǵy jyldyń 1 qyrkúıegine KVI-dan 385 ólim jaǵdaıy tirkeldi, Ótken aptada - 151, ulǵaıý – 9 paıyz, ólim kórsetkishi-0,5. Densaýylq saqtaýdy damytýdyń respýblıkalyq ortalyǵynyń málimetteri boıynsha jyl basynan beri KVI u07.1 jáne U07.2–den 429 adam qaıtys boldy (u07.1 kody rastalǵan jaǵdaıdyń anyqtamasyna sáıkes keledi, u07.2 kody - koronavırýstyq ınfektsııanyń yqtımal jaǵdaıy-shamamen.). Statsıonarlyq emde 814 naýqas jatyr, 20 paıyzǵa azaıǵany, 4650 patsıent ambýlatorııalyq emde, munda 2,4 paıyzǵa ulǵaıǵany baıqalady», - dep bólisti N.Shaǵyrov.
Ol atap ótkendeı, óńirde sońǵy aptada - 2021 jylǵy 31 tamyz ben 6 qyrkúıek aralyǵynda - COVID-19–dyń 1510 jaǵdaıy tirkelgen, al aldyńǵy aptada-1823, ıaǵnı 0,7 ese tómendegeni baıqalady.