Koronavıýrs: Qazaqstan shekarasynda 260 myń adam tekserýden ótti

NUR-SULTAN. QazAqparat – Elimizde emdeýge jatqyzylǵan naýqastardan koronavırýstyq ınfektsııa tabylǵan joq. Bul týraly Úkimet otyrysynda QR Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Respýblıkamyzda koronavırýstyq ınfektsııanyń ákelinýi men taralýyna jol bermeý maqsatynda memlekettik shekara arqyly ótetin barlyq pýnktterde osy jyldyń 6 qańtarynan bastap barlyǵy 260 myń adam, onyń ishinde Qytaıdan – 30 850 adam qaraldy. Búgingi jaǵdaı boıynsha dene qyzýy joǵary jáne jedel respıratorlyq-vırýstyq ınfektsııanyń sımptomdary bar 140 adam emdeýge jatqyzyldy, onyń 113-i emdelip shyqty, 27-si statsıonarda em alýda», - dedi mınıstr.

Onyń aıtýynsha, emdeýge jatqyzylǵan naýqastardyń eshqaısysynda koronavırýstyq ınfektsııa rastalmaǵan.

«Medıtsınalyq uıymdar Qytaıdan kelgen 23 059 adamdy turǵylyqty jeri boıynsha 14 kúndik baqylaýǵa aldy.

14 kúngi ınkýbatsııalyq mezgildiń aıaqtalýyna baılanysty Qytaıdan kelgen 15478 adam monıtorıngten bosatylsa, 8690-i áli de baqylaýda. Olardyń arasynda da koronavıýrs dıagnozymen tirkelgender joq», - dedi E. Birtanov.