Koronavırýstyń jańa shtamy derttiń qaıta órshýine ákelýi múmkin - epıdemıolog

ALMATY. QazAqparat - Koronavırýstyń jańa «omıkron» shtammy derttiń jańadan órshýine ákelýi múmkin. Bul týraly Óńirlik kommýnıkatsııalar qyzmetindegi brıfınginde Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova aıtty, dep habarlaıdy QazAqparat tilshisi.

Ásel Qalyqova megapolıs «jasyl» aımaqta ornalasqanyna qaramastan, sońǵy aptada koronavırýs ınfektsııanyń 641 jaǵdaıy tirkelgenin atap ótti. Ótken táýlikte 34 adamnan ınfektsııa anyqtaldy.

Spıker búkil álemde epıdemıologııalyq jaǵdaı nasharlap, qatań karantın rejımi qaıta engizilgenin tilge tıek etti.

«Sondyqtan halyqty, ásirese qarttardy, sozylmaly aýrýlary bar adamdardy, jasóspirimderdi, júkti áıelderdi vaktsınalaýdy ulǵaıtý qajet. Almatynyń barlyq turǵyndary elde «omıkron» shtammnyń paıda bolýyna jáne taralýyna jol bermeý úshin, ásirese demalys jáne mereke kúnderi adamdar kóp jınalatyn oryndardan aýlaq bolýlaryna kúsh salý qajet. Koronavırýstyń jańa «omıkron» shtammy aýyr zardaptarmen derttiń jańadan órshýine ákelýi múmkin», - dedi Ásel Qalyqova.

Epıdemıolog «omıkron» jaǵdaılary Afrıkanyń 8 elinde (OAR, Botsvana, Lesoto, Namıbııa, Zımbabve, Mozambık, Esvatını, Tanzanııa), sondaı-aq Belgııada, Izraılde, Gonkongta, Germanııada, Chehııada jáne Ulybrıtanııada tirkelgenin aıtty.

«Omıkron» aldyńǵy nusqalardan kóptegen jańa mýtatsııalarmen erekshelenedi. Onyń Qazaqstanǵa ákelinýine jol bermeý maqsatynda vedomstvoaralyq komıssııa 3 jeltoqsannan bastap Botsvana, OAR, Lesoto, Namıbııa, Zımbabve, Mozambık, Malavı, Madagaskar, Esvıtını, Tanzanııa jáne Gonkongtan shetel azamattarynyń Qazaqstanǵa kirýin shekteý týraly sheshim qabyldady»,- dep atap ótti ol.