Koronavırýstyń jańa shtamy álem bırjasyndaǵy baǵaǵa áser etti

NUR-SULTAN. QazAqparat - Juma kúni jańa vırýs túri týraly jańalyq álemdik bırjadaǵy munaı baǵasynyń 12%-ǵa tómendeýine ákelip soqty. Bul sońǵy bir jarym jyldaǵy eń úlken quldyraý, dep habarlaıdy QazAqparat VVS-ge silteme jasap.

Energetıkalyq daǵdarystyń jalǵasýyna qaramastan, ınvestorlar pandemııanyń jańa tolqyny adamdardyń qozǵalysyn aıtarlyqtaı shektep, otynǵa degen suranysty tómendetip, jalpy ekonomıkalyq ósýdi baıaýlatady dep úreılenip otyr.

Soǵan qaramastan, altyn qymbattap jatyr.
Eger otynǵa suranys tómendeı berse, álemdik ekonomıkany qalpyna keltirý odan da uzaq jáne kúrdeli bolady. Ásirese, áýe kompanııalary men týrıstik kásiporyndardyń aktsııalary 10-15%-ǵa tómendedi. Biraq DDSU ókilderi barlyq elderdi dúrbeleń týdyrmaýǵa jáne jańa shekteýler engizýge asyqpaýǵa shaqyryp jatyr.
Nıý-Iork bırjasyndaǵy Dow Jones ındeksi bir kúnde 2,5%-ǵa tómendedi.

Eske salsaq, Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan edi.

Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin ekendigi aıtyldy. Koronavırýstyń qaýipti delingen jańa shtamyna «Omıkron» degen ataý berildi.