Koronavırýstyń jańa shtamdary qanshalyqty qaýipti

NUR-SULTAN. QazAqparat – Búgin Úkimet otyrysynda QR Densaýlyq saqtaý mınıstri Alekseı Tsoı koronavırýstyń jańa shtamdarynyń qaýpi týraly aıtty, dep habarlaıdy QazAqparat tilshisi.

«Dúnıejúzilik densaýlyq saqtaý uıymynyń málimetterine sáıkes, brıtandyq shtamm álemniń 130, ontústik afrıkalyq shtamm 80 jáne brazılııalyq shtam 45 elinde anyqtaldy. Jańa mýtatsııalardy anyqtaý maqsatynda biz respýblka aýmaǵynda aınalymda júrgen KVI shtamdaryn genetıkalyq zerdeleýdi turaqty negize júrgizip jatyrmyz. Máselen, naýryzda respýblıka aýmaǵynda brıtandyq jáne ońtústikafrıkalyq shtamdardyń aınalymy anyqtaldy», - dedi ol.

Mınıstrdiń atap ótýinshe, taıaýda júrgizilgen zertteýlerge sáıkes, koronavırýstyń brıtandyq shtammy bastapqy shtammǵa qaraǵanda qaýipti. Ony juqtyrǵan adamdardyń aýrýhana jatýy kóbirek kezdesedi ári ólim-jitim qaýpi de joǵary bolyp otyr,

«Brazılııalyq shtamm ólim-jitimge kóp ákele bermeıdi. Degenmen, ol COVID-19-dyń bastapqy shtamyna qaraǵanda jeńil taralady. Sonymen qatar koronavırýstyń brıtandyq shtamy ótken jylǵy shtamen salystyrǵanda 1,7 ese, ońtústikafrıkalyq shtamǵa qaraǵanda, 1,5 ese, al brazılııalyq shtammǵa qaraǵanda 2 ese jyldam taralady. Buǵan qosa, reprodýktıvtilik sany 1,1-den 1,9-ǵa deıin artýy múmkin. Bul atalǵan shtammdardyń birtindep basym bola túsýine alyp keledi»,- dedi Alekseı Tsoı.

Sonymen qatar ol Úkimettiń 2020 jyldan bastap qabyldaǵan shekteý is-sharalary 6 aı boıy vırýstyń jańa shtammdarynyń elimizge ákelinýine tosqaýyl bola aldy.

«Jańa shtammdardy monıtorıngileý jalǵasýda», - dedi ol.