Koronavırýstyń yqtımal jańa tolqynyna daıynbyz - Baǵdat Qojahmetov

NUR-SULTAN. QazAqparat – QR Densaýlyq saqtaý mınıstrliginiń resmı ókili Baǵdat Qojahmetov medıtsına júıesi aldaǵy koronavırýs indetiniń taralýy múmkin jańa tolqynyna daıyn ekenin aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda koronavırýs indeti taralýynyń jańa tolqynyna daıyndyq densaýlyq saqtaý salasynyń daıyndyǵy týraly suraq qoıyldy.

«Bolýy múmkin jańa tolqynǵa daıyndyq qyzý júrip jatyr. Osy oraıda mınısterler, ákimder, Úkimet basshysy óńirlerdi aralap júr. Bul rette emhanalarǵa, dárigerlerge, kómek kórsetý brıgadalaryna, dári-dármekke qatysty máselelermen óńirlerge saparǵa baryp jatyr. Sondyqtan medıtsına júıesi bolýy múmkin koronavırýstyń jańa tolqynyna daıyn ekenin atap ótemin», - dedi resmı ókil.

Budan buryn habarlanǵandaı, QR DSM Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary Nurlybek Asylbekov COVID-19 indetinen emdeý úshin dárilik zattardyń 48 paıyzyn otandyq óndirýshiler óndiripjatqanyn aıtty.