Koronavırýstyń yqtımal ekinshi tolqyny: Atyraýda arnaıy shtab quryldy
ATYRAÝ. QazAqparat –Atyraý oblysynda koronavırýstyń yqtımal ekinshi tolqynymen kúreske baılanysty arnaıy shtba quryldy, dep habarlaıdy QazAqparat.
Atyraý oblystyq densaýlyq saqtaý basqarmasy basshysynyń orynbasary Ashan Baıdýálıevtyń tóraǵalyǵymen quramyna óńirdegi emdeý mekemeleri basshylary kirgen shtabtyń alǵashqy otyrysy ótip, naqty josparlar bekitildi.
«Kún sýytqan saıyn vırýstyq juqpalar órshıdi. Sondyqtan, koronovırýs ınfektsııasy tumaýmen birge kúsheıýi múmkin. Onyń ústine álem elderinde koronovırýs juqpasyn juqtyrǵandar sany kóbeıip otyr. Qaýipti indet órshı qalǵan tusta jan-jaqty daıyn bolýymyz kerek. Sol sebepten, daıyndyqty shırata tústik», - deıdi Ashan Baıdýálıev.
Arnaıy shtabtyń otyrysynda jedel-járdem beketterine dıspetcherler sanyn kóbeıtý, dári-dármek qoryn naqtylaý, qorǵanysh quraldary, ókpeni jasandy jeldetý apparattarynyń jetkilikti bolýyn qadaǵalaý, turǵyndardyń dárigerlerge onlaın habarlasýyn qoljetimdi etý máselesi qaraldy.
Budan buryn Atyraý oblysynda karantındik shekteý sharalary 12 qazaǵa deıin uzartylǵany habarlandy.
