Koronavırýstyń taraý qarqyny údegenimen jeńil ótip jatyr

NUR-SULTAN. QazAqparat – Koronavırýs birshama tómen agressıvti formada ótedi. Bul týraly Nur-Sultan qalalyq sanıtarlyq-epıdemıologııalyq baqylaý departamentiniń basshysy Sarhat Beısenova aıtty, dep habarlaıdy QazAqparat tilshisi.

«Osy jyldyń maýsym aıynyń sońynan beri elordadaǵy koronavırýs ınfektsııasyna qatysty epıdemıologııalyq jaǵdaıdyń kúrdelenip kele jatqany baıqalady. Aıtalyq, osydan bir aı buryn táýlik ishinde birneshe ǵana jaǵdaı tirkelse, sońǵy eki aptada ortasha táýliktik tirkelim 120 jaǵdaıǵa jetip otyr. Sońǵy táýlikte koronavırýs ınfektsııasynyń zerthanalarda dáleldengen 118 jaǵdaıy tirkeldi. Koronavırýs ınfektsııasynyń damý qarqyny boıynsha repordýktıvtilik san 1,958-ge teń», - dedi Sarhat Beısenova agenttik tilshisiniń saýalyna bergen jaýabynda.

Onyń aıtýynsha, aýrýshańdyqtyń artýyna qaramastan koronavırýs birshama tómen agressıvti formada ótip jatyr. Eń bastysy naýqastardyń ishinde ókpeni jasandy jeldetý apparatyna qosylǵandar joq.

«Qazirgi ýaqytta 118 naýqas statsıonarlarda, onyń ishinde 11 naýqas reanımatsııa bólimshesinde em alyp jatyr. Sonymen qatar 338 adam ambýlatorlyq jaǵdaıda em alý ústinde», - dedi ol.

Buǵan deıin Sarhat Beısenova koronavırýstyń ósimine baılanysty elordaǵa kirip-shyǵýǵa tyıym engizý qarastyrylyp otyrmaǵanyn aıtqan habarlaǵan edik.