Koronavırýstyń shetelden tasymaldaný qaýpi áli de bar – Erlan Qııasov

NUR-SULTAN. QazAqparat – Koronavırýstyń shetelden tasymaldaný qaýpi áli de bar. Bul týraly QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

«Memlekettik shekarada 14 elmen áýe qatynasy qaıta jandanyp, reıster sany aptasyna 95-ke deıin ulǵaıyp otyr. Jolaýshylardyń basym bóligi Nur-Sultan men Almaty qalasyna keledi. Áli de bolsa shetelden koronavırýstyń tasymaldaný qaýpi saqtalýda. 2020 jyldyń 6 qazanynan beri halyqaralyq áýe reısterimen 322 myńnan astam jolaýshy ushyp keldi. Olardyń ishinde 44 805 adam nemese jolaýshylardyń 14 paıyzy test tapsyrdy. Onyń ishinde 239 adamda koronavırýs anyqtaldy», - dedi ol Ortalyq kommýnıkatsııalar qyzmetindegi baspasóz máslıhatynda.

Bas memlekettik sanıtar dárigerdiń málimetinshe, memlekettik shekaradaǵy avtomobıl ótkizý beketteri arqyly Qazaqstanǵa 835 myńnan astam adam keldi. Olardyń 20 paıyzy test tapsyryp, nátıjesinde 809 adamda oń nátıje anyqtalyp otyr.