Koronavırýstyń órshýinen Gonkong ákimshiliginiń basshysyn saılaý keıinge qaldyryldy

BEIJІŃ. QazAqparat - QHR-dyń arnaıy ákimshilik aımaǵy Gonkongta koronavırýs ınfektsııasynyń órshýine baılanysty ákimshilik basshysyn saılaý keıinge qaldyryldy. Bul týraly «Sınhýa» agenttigi Gonkong atqarýshy bıliginiń basshysy Kerrı Lamnyń málimdemesine silteme jasap jazady, dep habarlaıdy QazAqparat.

Sınhýa agenttiginiń málimetinshe, bastapqyda 27 naýryzǵa josparlanǵan Gonkong basshysynyń saılaýy koronavırýstyń órshýine baılanysty 8 mamyrǵa aýystyryldy.

QHR Memlekettik keńesiniń Gonkong jáne Makao isteri jónindegi basqarmasynyń málimdemesinde Qytaıdyń Ortalyq Úkimeti indetpen kúreste Gonkongke qoldaý kórsetý úshin bar kúsh-jigerin salyp jatqany aıtylǵan. Onyń ishinde medıtsınalyq sarapshylardy jóneltý, jappaı PTR-testileýdi ótkizý úshin qyzmetkerlermen jáne kólik quraldarymen qamtamasyz etý, karantındik jáne medıtsınalyq mekemeler salý, sondaı-aq birinshi qajettiliktegi zattardy jetkizý qolǵa alynǵan.

Aqpan aıynyń basynan Gonkongta COVID-19 taralýy órshı tústi. Ótken beısenbide koronavırýsty juqtyrý boıynsha táýliktik kórsetkishtiń jańa antırekordy tirkeldi – 6,1 myńnan astam adam naýqastandy.