Koronavırýstyń órshýine baılanysty EO Ýkraınany «jasyl tizimnen» shyǵardy

NUR-SULTAN. QazAqparat – Eýropalyq odaq Ýkraınada koronavırýs jaǵdaılarynyń artýyna jáne jalpy Eýropada Covid-19 qatysty ahýaldyń nasharlap ketýine baılanysty atalmysh eldi «jasyl tizimnen» shyǵardy. Bul týraly 5 qarashada Ýkraına Syrtqy ister mınıstrliginen málimdedi, dep habarlaıdy QazAqparat VVS-ge silteme jasap.

«EO-nyń ýaqytsha shekteýleri vızasyz júrýdi toqtatý bolyp sanalmaıdy jáne bul tek saıahattaýǵa qatysty. EO turaqty túrde «jasyl tizimdi» jańartyp otyrady jáne epıdemıologııalyq jaǵdaı jaqsarǵan jaǵdaıda qandaı da bir eldi tizimge qaıta engizý sheshimin qabyldaıdy, - delingen vedomstvonyń saıtynda.

EO sheshimi kelesi aptadan bastap kúshine enedi. Ýkraına 15 shildeden beri «jasyl tizimde» edi. Osy tizimdegi elderdiń azamattary Eýropaǵa eshbir shekteýsiz kire alady (mysaly, týrıstik saparmen). Erejege sáıkes, bul tizim ár eki apta saıyn qaralyp otyrady.

Sońǵy aptada Ýkraınada aýrýǵa shaldyqqandardyń ortasha táýliktik kórsetkishi 23 myńnan asqan bolatyn. 4 qarashada 28 myńnan astam adam Covid-19 juqtyryp alǵan.