Koronavırýstyń órshýi dollarǵa qalaı áser etti – Ulttyq bank
ALMATY. QazAqparat - Koronavırýstyń Qytaıdan tys jerde taralýyna baılanysty týyndaǵan qorqynysh sezimi ınvestorlardyń damýshy elderdiń aktıvterinen shyǵýyna sebep boldy. Bul týraly QR Ulttyq bankiniń baspasóz qyzmeti Facebook-te jarııa etti, dep habarlaıdy QazAqparat tilshisi.
QR Ulttyq banki Syrtqy valıýta naryǵynda oryn alǵan birqatar mańyzdy oqıǵalar týraly taldaý jasady.
Taldaýǵa sáıkes, álemde AQSh dollary damyǵan elderdiń valıýtalarymen salystyrǵanda álsiregen.
Koronavırýstyń Qytaıdan tys jerde taralýyna baılanysty týyndaǵan qorqynysh saldarynan ınvestorlar damýshy elderdiń aktıvterinen shyǵyp jatyr.
«Italııa, Ońtústik Koreıa jáne Iran koronavırýspen aýyrý jaǵdaılarynyń kúrt óskenin habarlady, DDSU koronavırýs indetiniń qaýiptiligin «óte joǵary» deńgeıge kóterdi. AQSh federaldy rezerv júıesiniń tóraǵasy Djerom Paýell vırýstyń taralýy AQSh-tyń ekonomıkalyq ósýine «táýekelderdi týǵyzady» dedi. Qajet bolǵan jaǵdaıda AQSh Ortalyq banki paıyzdyq mólsherlemelerdi tómendetýge daıyn ekendigin bildirdi», - dedi Ulttyq banktiń baspasóz qyzmeti.
Bas qarjylyq retteýshi osy faktorlar AQSh dollary baǵamynyń damyǵan elderdiń valıýtalarymen salystyrǵanda álsireýine soqtyrdy degen paıym aıtty.
