Koronavırýstyń omıkron shtamy Almatyda bolýy múmkin –Erjan Babaqumarov
ALMATY. QazAqparat- Koronavırýstyń omıkron shtamy Almatyda bolýy múmkin. Bul týraly qala ákiminiń orynbasary Erjan Babaqumarov málim etti, dep habarlaıdy QazAqparat tilshisi.
«Omıkron shatamy endigi Almatyǵa kelgen bolýy múmkin, óıtkeni vırýs juqtyrý deregi óskeni baıqalady. Birneshe kún buryn 30 jaǵdaı bolsa, búgin ol 62 jetti. Birneshe kúnde kórsetkish eki esege ósti. Omıkron shtamymen jastar kóp arýy múmkin. Ol tez tarap, tez juǵady», - dedi Erjan Babaqumarov jýrnalıstermen kezdesýde.
Sonymen qatar ol jańa shtamǵa tótep berý úshin daıyndyq júrip jatqanyn aıtty.
«Jappaı juqtyrýdy boldyrmaý úshin barlyq sanıtarlyq talapty saqtaý kerek. Qala úsh baǵyt boıynsha daıyndalyp jatyr. Biz ınfektsııa juqtyratyndardyń sany artatynyn túsinemiz. Medıtsına mekemelerine artyq júkteme túsirmeýmiz kerek. Qalada quramynda dárigerler bar 600-den astam mobıldi top bar. Qala ákiminiń orynbasary almatylyqtardy revaktsınatsııa alýǵa shaqyrdy.
