Koronavırýstyń «omıkron» shtamy 110 elde anyqtaldy

JENEVA. QazAqparat – Koronavırýstyń «omıkron» shtamy 110 memlekette anyqtaldy. Bul týraly Dúnıejúzilik densaýlyq saqtaý uıymynyń (DDSU) saıtynda jarııalandy, dep habarlaıdy QazAqparat.

«2021 jyldyń 22 jeltoqsanyndaǵy jaǵdaı boıynsha, vırýstyń omıkron shtamy 110 elde, DDSU-nyń barlyq alty óńirinde anyqtalǵan», - delingen málimdemede.

«Omıkron» shtamy «delta» shtamyna qaraǵanda, tez taralady. Oǵan qosa, 2-3 kún saıyn juqtyrǵandar qatary eki ese kóbeıip otyr.

«Omıkron» shtamynyń saldaryna keler bolsaq, bul oraıda málimet shekteýli, deıdi DDSU. Ońtústik Afrıka, Ulybrıtanııa jáne Danııa elderinen alynǵan derekterge sáıkes, «omıkron» shtamyn juqtyrǵandar vırýstyń «delta» shtamyn juqtyrǵandarǵa qaraǵanda aýrýhanaǵa sırek túsedi.

Muny «omıkron» shtamyna aǵzanyń ımmýndyq qorǵanysynyń qatty áser etpeıtindigimen túsindirýge bolady.

Qazirgi kezde mamandarda «omıkron» shtamyna vaktsınanyń qalaı áser etetini týraly derekter az bolyp otyr.