Koronavırýstyń mýtatsııaǵa ushyrap jatqany alańdatady - Aıjan Esmaǵambetova

NUR-SULTAN. QazAqparat – Bizge ujymdyq ımmýnıtetti saqtap qalý kerek. Bul týraly Senattyń jalpy otyrysynan keıin tilshilerge suhbat bergen QR Densaýlyq saqtaý vıtse-mınıstri — Bas memlekettik sanıtarlyq dárigeri Aıjan Esmaǵambetova málim etti, dep habarlaıdy QazAqparat tilshisi.

«Koronavırýsqa toqtalsaq, bul máseledegi qaýipsizdik adamdardyń ózine baılanysty. Bizge ujymdyq ımmýnıtettti saqtap qalý kerek. Ol úshin vaktsına saldyrǵan durys nemese ravaktsınatsııa jasaý mańyzdy. Atap aıtqanda, koronavırýs ınfektsııasynyń taralýy jaıynda dál qazir eshbir maman naqty paıymyn aıta almaıdy», - dedi A. Esmaǵambetova.

Osy oraıda ol ınfektsııanyń taralýy ahýalyna baılanysty eki stsenarıı bar ekenin aıtty.

«ıAǵnı koronavırýs mýtatsııaǵa ushyrap jatqanyn kórip turmyz. Degenmen vırýs quramy men onyń patogendiginiń tómendeýi jaqsy nyshan. Alaıda vırýstyń áli de mýtatsııaǵa ushyrap jatqany bizdi alańdatyp otyr. Bul óz kezeginde vırýsty birjola jeńdik dep senimdi túrde aıtýǵa múmkindik bermeıdi», - dedi Bas memlekettik sanıtarlyq dáriger.

Budan buryn habarlanǵandaı, Qazaqstannyń Densaýlyq saqtaý mınıstrligi Reseımen arada koronavırýstan vaktsına pasporttaryn ózara taný týraly kelisimdi bekitýdi qoldap otyr.