Koronavırýstyń dezınfektsııa quraldaryna tózimdiligi tómen – epıdemıolog
ALMATY. QazAqparat –Almaty qalasy boıynsha koronavırýs ınfektsııasynyń taralýyna baılanysty epıdemıolog dárigerler qala turǵyndaryna taǵy da birqatar keńester berdi. Jáne belgilengen karantın sharalaryn saqtaýǵa shaqyrdy, dep habarlaıdy QazAqparat tilshisi.
Epıdemıologtar árbir rastalǵan nemese koronavırýs ınfektsııasyn juqtyrý múmkin (yqtımal) bolǵan jaǵdaılarǵa epıdemıologııalyq tekserý júrgizedi. Qazirgi ýaqytta atalǵan qyzmet kúshetilgen rejımge kóshti. ıAǵnı, táýlik boıy jumys isteıdi. Árbir jaǵdaıdy zerttep, baılanys jasaǵandardy anyqtaǵannan keıin epıdemıologııalyq qyzmettegiler KVI rastalǵandardy emdeý úshin olardy qaıda jetkizý kerektigin jáne baılanys jasaǵandardy oqshaýlaý úshin qaıda joldaý kerek ekenin anyqtaıdy. Sanıtarlyq-epıdemıologııalyq qyzmet, sonymen birge, medıtsına qyzmetkerleriniń arasynda koronavırýs ınfektsııasynyń taralýyn boldyrmaý úshin densaýlyq saqtaý uıymdaryna ınfektsııalyq baqylaý júrgizedi, sol arqyly mamandar tapshylyǵynyń aldyn alady.
«COVID-19 – bul osyǵan deıin adam balasy eshqashan ushyrasyp kórmegen qaýipti jáne jasyryn ınfektsııalyq aýrý. Ázirge odan vaktsına joq, jáne odan ózińdi qorǵaýdyń jalǵyz joly – ol qoldy taza ustap, áleýmettik qashyqtyqty saqtaý, antıseptıkterdi paıdalaný jáne shekteý sharalaryn ustaný. Aýrýdyń kúrt órshýinen tek osylaı ǵana aınalyp óte alamyz», - deıdi epıdemıolog dáriger Dınara Bektursynova.
Dınara Bektursynovanyń aıtýynsha, vırýs aýa tamshylary arqyly taralady. Koronavırýsty juqtyrǵan adam vırýsty sóılesý kezinde, túshkirgende jáne jótelgende aınalasyndaǵylarǵa juqtyrýy múmkin, soǵan baılanysty 2 metrge deıin áleýmettik qashyqtyqty saqtaý kerek. Vırýsty júrek qan tamyrlary jáne endokrındik júıe aýrýlaryna shaldyqqandar jıi juqtyrady. 65 jastan asqan adamdarda osyndaı patologııalar jıi kezdesedi, sondyqtan olar táýekel tobyna engen.
Vırýs betki qabatta ómir súrýge qabiletti, biraq dezınfektsııalyq quraldarǵa tózimdiligi tómen. Sol sebepti turǵyndarǵa jýǵysh zattardy qosa otyryp, úıde ylǵaldy tazalyq júrgizýge jáne tazalyq júrgizgennen keıin shúberekterdi jaqsylap jýyp, keptirýge keńes berildi. Sonymen birge, ǵımarattardy árbir eki saǵat saıyn 10-15 mınýt jeldetip otyrý qajet.
Dınara Bektursynova syrqat belgileri bolǵan jaǵdaıda dárigerge habarlasyp, oqshaýlanyp, úıden shyqpaý qajettigin eske saldy.
