Koronavırýstyń delta shtamynyń sımptomdary óte aýyr - dáriger
ALMATY. QazAqparat - Koronavırýstyń delta nusqasynyń sımptomdary óte aýyr. Bul týraly Almaty qalasy №8 emhanasynyń bas dárigeri Farıda Aǵybaeva málim etti, dep habarlaıdy QazAqparat tilshisi.
«Naýqastardyń ystyǵy kóteriledi, tamaq aýrýy paıda bolady jáne basy aýyrady. Qarapaıym sýyq tııý nemese tumaýǵa uqsaıdy. Іndet juqtyrǵandarda koronavırýsqa tán ıis sezbeý bolmaıdy. Biraq erekshe belgiler bar: júrek aıný, qusý, dıareıa jáne asqazannyń aýyrýy, qatty álsizdik. Aýrýdyń aǵymy koronavırýs ınfektsııasynyń delta nusqasynda joǵary jyldamdyqpen sıpattalady jáne aýyr bolady – naýqastarda ortasha aýyr, aýyr, sımptomsyz jáne jeńil formalar jıi kezdesedi», - deıdi Farıda Aǵybaeva.
Sondaı-aq, estý qabileti buzylady, asqazan-ishek problemalary týyndap, qan uıýy múmkin.
Eger naýqas vaktsına almaǵan bolsa, onda delta nusqasyn juqtyrǵan kezde jaǵdaıy óte aýyr bolady.
№8 emhananyń bas dárigeri tolyq ımmýndalǵan adamnyń derti sımptomsyz nemese áldeqaıda jeńil ótetinin aıtty.
Spıker qoǵamdyq densaýlyq basqarmasynyń atynan almatylyqtardy vaktsınalanýǵa taǵy da shaqyrdy.
