Koronavırýstyń «brıtandyq» shtamy pandemııanyń jańa tolqynyn týǵyzýy múmkin
NUR-SULTAN. QazAqparat – Koronavırýstyń «brıtandyq» shtammy COVID-19 pandemııasynyń jańa tolqynynyń bastaýy bolýy múmkin. Wellcome Trust qory men Bazel ýnıversıteti qyzmetkerleriniń pikirinshe, bul qubylysty tek qatań shekteý sharalary toqtata alady eken. Bul týraly QazAqparat Qazaqstanda koronavırýstyń taralýyna jol bermeý jónindegi VAK jumysy týraly telegram kanalǵa silteme jasap habarlaıdy.
B.1.1.7 shtammy ádettegiden 50-70% juqpaly bolyp keletindigi belgili. Ǵalymdar atalǵan shtammnyń adam densaýlyǵyna qaýiptiligi áli dáleldenbegenine qaramastan, onyń joǵary juqpalylyǵy alańdaýshylyq týǵyzady.
Mýtatsııa taralǵan elderde qaıǵyly gıpoteza qazirdiń ózinde rastalýda. Irlandııada COVID-19 juqtyrǵandardyń tórtten birinde B.1.1.7 shtammy anyqtalǵan. Danııada da osyndaı jaǵdaı oryn alýda.
Sonymen qatar, ǵalymdar Ońtústik Afrıkada paıda bolǵan B.1.351 dep atalǵan jańa mýtatsııasyna zertteý jumystaryn júrgizip jatyr.
Koronavırýstyń jańa shtamy týraly tolyq málimetterdi myna jerden kórýge bolady. Ázirge Qazaqstanda mundaı shtamy bar aýyrý belgileri tirkelgen joq.
