Koronavırýstyń beti qaıta bastaǵanymen Beıjińde joǵary deńgeıdegi tótenshe jaǵdaı toqtatylmady
Osy aptada QHR Memlekettik keńesi janyndaǵy indetpen kúres boıynsha basqarýshy toptyń kezekti otyrysynyń qortyndysy boıynsha, shetelderde koronavırýstyń tez taralýyna baılanysty sheteldikter kóp keletin Beıjiń sekildi iri megapolısterge kelý qaýipsizdigin qamtamasyz etý sharalaryn kúsheıtý kórsetilgen.
Sondaı-aq sońǵy táýlikte Qytaıdyń qurly bóliginde tirkelgen koronavırýs ınfektsııasyn juqtyrýdyń 15 jańa rastalǵan jaǵdaıynyń altaýy syrttan kelgenderge qatysty, delingen QHR Densaýlyq saqtaý isteri jónindegi memlekettik komıtetiniń habarlamasynda. Jalpy, qazirgi ýaqytta vırýsty syrttan juqtyrýdyń jalpy sany 85-ke jetti.
Qytaıdyń megapolısterinde tótenshe jaǵdaıǵa qarsy áreket etýdiń eń joǵary deńgeıi alynyp tastalmaıdy
QHR-dyń 24 ákimshilik-aýmaqtyq bólinisinde halyqtyń densaýlyǵyna baılanysty tótenshe jaǵdaılarǵa den qoıý deńgeıi tómendetilse de Beıjiń, Shanhaı, Tıantszın sııaqty megapolısterinde eń joǵary deńgeıde qala beredi.
Jergilikti BAQ-tyń habarlaýynsha, Beıjińge halyqaralyq reıstermen keletin jolaýshylar 11 naýryzdan bastap 14 kúnge karantınge jatqyzylýy kerek. Bul shara sheteldikterge de, Qytaı azamattaryna da qatysty.
Sonymen qatar, Beıjińge az ýaqytqa issaparmen kelgen jolaýshylar qatań belgilengen qonaq úılerde qalyp, koronavırýsqa tekserýden ótýi tıis. Koronavırýs testiniń teris nátıjesi belgili bolǵan soń ǵana atalǵan sanattaǵy adamdar el astanasynda erkin júre alady.
Koronavırýstyń taralýyn baqylaýdaǵy Beıjiń tájirıbesi
Qytaıda koronavırýstyń kúrt taralýy kezinde, qańtar aıynyń sońynda– aqpan aıynyń basynda, Beıjiń bıligi el astanasyn oqshaýlamady. Qala mańynda jáne Beıjińdegi aýdandarda jergilikti turǵyndar men basqa qalalardan kelgenderge jáne sheteldikterge sanıtarlyq baqylaý sharalaryn kúsheıtti.
Mysaly, astanalyq Chaoıan aýdanynyń Heıchjýanhý qalalyq kentinde (halyq sany 74 myń adam) Beıjińniń tarıhı ortalyǵynan shyǵysqa qaraı TJ-ǵa den qoıýdyń eń joǵary deńgeıi engizilgen sátten bastap munda koronavırýs ınfektsııasyn juqtyrýdyń birde-bir rastalǵan nemese kúdikti oqıǵasy anyqtalǵan joq.
«QazAqparat» HAA tilshisine bergen suhbatynda atalǵan kent basshysynyń orynbasary Tıan He Heıchjýanhada qatań ótkizý rejimi men arnaıy tirkeý júıesin engizýdiń arqasynda ǵana koronavırýstyń taralýyna jol bermeý múmkin bolǵanyn aıtty.
Kentte 38 ótkizý pýnkti ornatyldy, onda jergilikti turǵyn úı-kommýnaldyq sharýashylyq qyzmetkerleri 24/7 rejiminde kentke kiretin adamdardyń dene qyzýyn ólsheıdi jáne olardyń arnaıy ruqsatnamalaryn tekseredi. Ruqsat etilmegender qalaǵa kirgizilmeıdi.
Avtory Rýslan Súleımenov