Koronavırýstyń bar ekenine senbeıtinderge aıtar sózim joq - Іndetten jazylǵan turǵyn
Biraq dárigerler patsıenttiń jaǵdaıy turaqty aýyr ekendigin jasyrmaıdy. Statsıonarǵa keýdesindegi aýyrsyný sımptomdarymen túsken syrqat aldaǵy ýaqytta jalpy palataǵa aýystyrylady dep kútilýde.
«Shúkir, jaqsymyn. Aýrýhanaǵa alǵash túsken sáttegi jaǵdaıǵa qaraǵanda qazir áldeqaıda táýirmin. Alǵashynda úı jaǵdaıynda emdeldim, bir kúni dem jetpeı qınalǵanym esimde. Ári qaraı ne bolǵanyn bilmeımin. Aman alyp qalǵan dárigerlerge myń alǵys» dep rızashylyǵyn bildirdi Altynaı Ótesinova.
Onyń aıtýynsha, aýrýhanada em alyp jatqan naýqastardyń sany az emes. Qanshama adam dertinen tolyq aıyǵyp, úıine oralyp jatyr.
«Alaıda, bul indetti joq dep oılaıtyndardy túsinbeımin, olarǵa aıtar sózim joq. Barlyǵyna aıtarym - kútingen durys, densaýlyqtan asqan baqyt ta, baılyq ta joq. Osy aýrýhanaǵa jatqyzylǵan soń ǵana aman qaldym dep esepteımin. Al eger ári qaraı da úı jaǵdaıynda emdele bergende jaǵdaıymnyń qalaı bolaryn kim bilsin. Tek osynda kelgen soń ǵana esimdi jıyp, ózime keldim», - deıdi ol.