Koronavırýstyń aýyr nemese jeńil ótýine yqpal etetin gender tabyldy

NUR-SULTAN. QazAqparat- COVID-19 vırýsynyń aýyr nemese jeńil ótýine yqpal etetin gen anyqtaldy, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııa málimetterine silteme jasap.

Ǵalymdar indet taraı bastaǵaly koronavırýstyń keıbir adamdarda jeńil ótetinin, al keıbireýi qatty aýyryp, tipti jansaqtaý bólimine de túsetini nelikten ekendigin bilý jolynda ter tógip keledi.

Brıtanııa aýrýhanalaryndaǵy 200-den astam jansaqtaý bólimine túsken 2 myńnan astam patsıentke tekserý júrgizip, olardyń barlyǵynda Covid-19 vırýsynyń sımptomyn kúrdelendiretin «neandertalets» geniniń bar ekendigin anyqtaldy. Mamandar pıtsıentterdiń genomdaryn saý adamdardyń genomymen salystyra kele gendegi birneshe aıyrmashylyqty anyqtady.

Olar: ımmýn jasýshylaryn belsendi etetin- TYK2, aǵzaǵa vırýs túskende mańyzdy ról atqaratyn DPP9, vırýstyń replıksatsııasyn júzege asyratyn OAS, sondaı-aq qýatty antıvrýs molekýlasy – ınterferondy týdyratyn IFNAR2.

Genetıka salasyndaǵy jańalyqtar Covid-19 aýrýynyń bıologııalyq mehanızmderin búge-shigesine deıin zertteýge múmkindik beredi.