Koronavırýstyń aldyn alý: Avtobýstar ár reıs saıyn tazartylady - Eljan Birtanov

NUR-SULTAN. QazAqparat - Elimizde qoǵamdyq kólikter aýysymnyń basynda jáne aıaǵynda tazalansa, endi ár reıs saıyn tazalaý týraly talap qoıyldy.

Bul týraly Ortalyq kommýnıkatsııalar qyzmeti alańynda ótken baspasóz konferentsııasy barysynda QR Densaýlyq saqtaý mınıstri Eljan Birtanov málim etti, dep habarlaıdy QazAqparat.

«Ádette qoǵamdyq kólikter aýysymnyń basynda jáne aıaǵynda tazalansa, endi biz ony ár reıs saıyn tazalaý týraly talap qoıyp otyrmyz», - deıdi QR Densaýlyq saqtaý mınıstri Eljan Birtanov.

Sondaı-aq, ol medıtsınalyq maska máselesi týraly aıtty.

«Qazaqstanda medıtsınalyq maska shyǵarylady. Byltyr turǵyndardyń 80% otandyq maskalardy qoldanǵan. Turǵyndardyń maskalardy satyp alǵany, keıbiri ózine, keıbiri qaıta satý úshin satyp alǵany týraly másele bar. Qazirgi ýaqytta bul másele sheshimin tapty», - deıdi ol.