Koronavırýstyń aldyn alý: Aqmola oblysynda óńirlik komıssııa quryldy
KÓKShETAÝ. QazAqparat - Aqmola oblysy aýmaǵynda koronavırýs ınfektsııasynyń taralýynyń aldyn alý jáne sanıtarlyq – epıdemologııalyq sharalardy kúsheıtý maqsatynda aımaq basshysynyń orynbasary Aına Mysyrálimovanyń jetekshiligimen óńirlik komıssııa quryldy, dep habarlaıdy QazAqparat tilshisi.
Komıssııanyń quramyna oblystyq departamentter men basqarmalardyń jáne vedomstvolardyń basshylary, Kókshetaý áýejaıy men temirjol vokzalynyń basshylary enip otyr.
«Densaýlyq saqtaý júıesinde juqpaly aýrýlar stantsıonaryna naýqastar túsken kezde daıyndyǵyn qamtamasyz boıysha aldyn ala jumystar júrgizilýde.
Kókshetaý qalasyndaǵy temirjol vokzalynda Aqmola oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti jáne kóliktegi basqarmamen birlesken oqytý-jattyǵý uıymdastyryldy. Onda koronavırýs ınfektsııasyn juqtyrǵan adam anyqtalǵan kezdegi is - qımyl algorıtimi tekserildi.
Qytaıdan kelgen adamdardyń barlyǵy baqylaýǵa alynyp, 14 kún karantınde dárigelerdiń baqylaýynda bolady», - dedi óńirlik komıssııa tóraıymynyń orynbasary, Aqmola oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Aınagúl Mýsına.
