Koronavırýstyq ınfektsııaǵa qatysty jaǵdaı turaqtaldy – Qumar Aqsaqalov
PETROPAVL. QazAqparat – Soltústik Qazaqstan oblysynda pnevmonııamen aýyrǵandar jáne koronavırýsty ınfektsııany juqtyrǵandar sany kemip, qaýipti aýrý sharyqtaý sheginen ótti, dep habarlaıdy QazAqparat tilshisi.
SQO ákimi baspasóz qyzmetiniń málimetinshe, búgin óńir basshysy Qumar Aqsaqalov Petropavldaǵy kardıologııalyq ortalyqta bolyp, oblystaǵy epıdemıologııalyq jaǵdaıǵa toqtaldy.
«Karantındik sharalar óz nátıjesin berip jatyr. Vırýstyń taralýy sharyqtaý shegine jetkende jedel járdem qyzmetin shaqyrtý 700-ge deıin kóterilse, qazir 34% kemidi. Jedel járdemge júginetinder sany kúnnen-kúnge azaıyp keledi. Infektsııalyq jáne provızorlyq statsıonarǵa jatqyzylatyndar sany da kemidi. Buǵan deıin emdeý mekemelerine 249 adamnan túsip otyrsa, ótken táýlikte 74 naýqasty qabyldady. Úsh ese kemidi. ıAǵnı biz pnevmonııa men koronavırýsty ınfektsııany juqtyrýdyń sharyqtaý sheginen óttik», - dedi SQO ákimi Qumar Aqsaqalov.
Oblysta ınfektsııalyq jáne provızorlyq statsıonarlarda jatyn oryn 6 ese artyp, 2210-ǵa jetkizildi. Koronavırýs jáne pnevmonııaǵa qatysty basqa syrqattardy josparly túrde aýrýhanaǵa jatqyzý toqtatylsa, búginnen bastap bul jumys júıeli túrde qalpyna kelmek.
Óńir basshysy dári-dármek máselesi de nazarda ekenin aıtty.
«Oblystyń statsıonarlarynda 16 kúnge jetetin dári-dármek qory bar. Kúndelikti dárihanalarda ystyq túsiretin, vırýsqa qarsy, antıbakterıaldy preparattardyń jáne olardyń balamalarynyń bolýy jáne baǵasynyń qymbattamaýy boıynsha baqylaý júrgiziledi. Aýyl turǵyndaryna qajet dári-dármekpen jergilikti medıtsınalyq pýnktterdi qamtýǵa agrarshylar kómektesedi. Turmysy tómen otbasylar úshin olar tegin bolady», - dedi Qumar Aqsaqalov.
