Koronavırýsty juqtyrǵan naýqastardyń ólim jaǵdaıyn zertteý jóninde komıssııalar quryldy
NUR-SULTAN. QazAqparat – Qazaqstanda koronavırýsty juqtyrǵan naýqastardyń ólim jaǵdaıyn zertteý jónindegi komıssııalar quryldy, dep habarlaıdy QazAqparat coronavirus2020.kz saıtyna silteme jasap.
QR Densaýlyq saqtaý mınıstriniń tapsyrmasy boıynsha Qazaqstannyń barlyq óńirinde Densaýlyq saqtaý basqarmalary janynan koronavırýsty juqtyrǵan naýqastardyń ólim jaǵdaıyn zertteý jónindegi komıssııalar quryldy.
Komıssııa naýqas óliminiń tikeleı sebepterin anyqtaý úshin medıtsınalyq qujattamaǵa taldaý júrgizedi.
Arqalyqta úıinde qaıtys bolǵan 84 jastaǵy naýqasqa qatysty taldaý jumystary 27 sáýirde júrgiziledi.
Komıssııa jumysynyń qorytyndysy boıynsha naýqas óliminiń tikeleı sebebi anyqtalady.
Búginde naýqas týraly barlyq qajetti medıtsınalyq qujattar Arqalyq qalalyq emhanasynan jáne oblystyq jedel járdem qyzmetinen suratylǵan.
Taldaý nátıjeleri keıinirek qosymsha jarııalanady.
