Koronavırýsty maýsymdyq ishek ınfektsııasynan qalaı ajyratýǵa bolady – epıdemıolog

Epıdemıologtyń aıtýynsha, koronavırýs pen ishek vırýsy bastapqy kezinde uqsas bolýy múmkin. Óıtkeni, olar juǵady.

«Іshek ınfektsııasy fekaldy – oraldy jolmen, ıaǵnı adamnan adamǵa kir qoldan nemese jýylmaǵan jemis-jıdek, tamaq arqyly juǵady. Al, koronavırýs ınfektsııanyń birneshe taralý joly bar. Atap aıtar bolsam, fekaldy – oraldy jáne tynys alý joldary arqyly. Aýrýdyń alǵashqy kúni ekeýiniń belgileri uqsas bolýy múmkin. Іshtiń ótýi, dene qyzýynyń kóterilýi, asqa tábetiń bolmaýy, qusý, bas aýrý, jalpy álsizdik. Koronavırýsta dál osylaı bastalady «, - dep túsindirdi ol.

Іshek ınfektsııasyna shaldyqqan naýqas em qabyldaǵanan keıin birneshe kúnde ózin jaqsy sezinedi.

«Koronavırýs juqtyrǵan adamda jótel, qaltyraý, býyn aýrýlary men dám sezbeý belgileri paıda bolady. Koronavırýs as qorytý,tynys alý júıesine áser etedi «, - dep atap ótti spıker.

Sonymen qatar, ol ishek ınfektsııasy maýsymdyq aýrý ekenin tilge tıek etti.

«Aýrý dene qyzýynyń kóterilýinen, júrek aınýynan, dıareıadan bastalady jáne jeti kúnge deıin sozylady. Negizinen balalar aýyrady. Bul aýrý da adam ómirine qaýip tóndiredi. Vırýs sýda 60 táýlikke deıin tirshilik etedi. Syrtqy ortada, qumda, ashyq betterde, turmystyq zattarda bir aı ómir súredi. Sondyqtan ata-ana balanyń jeke gıgıenasyn únemi qadaǵalap, úıdi taza ustaýy kerek «, - dedi Sáken Ámireev.

Epıdemıolog Qazaqstanda ishek ınfektsııasyna qarsy ekpe ulttyq vaktsınatsııa kúntizbesine engizilmegenin aıtty.

«Kórshi Ózbekstanda ishek ınfektsııasyna qarsy vaktsınatsııa mindetti keste boıynsha júrgizildi. Osylaısha, olar aýrýdyń kúrt tómendeýine ıe. Bul vaktsına bizdiń ulttyq vaktsınatsııa kestesinde joq. Bul másele jaqyn arada sheshiledi dep oılaımyn. Sebebi, ishek ınfektsııasy ár bir ekinshi balada kezdesedi. Ásirese, jaz aılarynda. Barlyq vaktsına aýyr aýrýlardyń aldyn alýǵa baǵyttalǵan», - dep qosty ol.