Koronavırýsty birneshe ret juqtyrǵandar bar – dáriger

NUR-SULTAN. QazAqparat – Qazaqstanda koronavırýs ınfektsııasynyń túrli shtamdaryn birneshe ret juqtyrý jaǵdaılary tirkeldi. Bul týraly medıtsına ǵylymdarynyń doktory, professor, joǵary sanatty ınfektsıonıst-dáriger Baqyt Kósherova aıtyp berdi, dep habarlaıdy QazAqparat tilshisi.

«Vırýsty qaıtalap juqtyrý jaǵdaılary kóp kezdesedi. Bul SARS-CoV-2 ártúrli shtamdarynyń, sonyń ishinde bir shtamnyń túrli nusqalaryn, mysaly «omıkronnyń» BA.1, BA.2., BA.3, VA.4 túrlerin birneshe ret juqtyrýmen baılanysty», - dedi Baqyt Kósherova Ortalyq kommýnıkatsııalar qyzmetinde ótken baspasóz máslıhatynda.

Dáriger ınkýbatsııa kezeńinde aınaladaǵy adamdarǵa vırýs juqtyrý qaýpi joǵary ekenin aıtty.

«KVI naýqastarynyń 95%-dan astamy úıde emdeledi – bul Covid-19 sımptomy joq nemese aýrý jeńil ótetin adamdar. Ambýlatorııalyq emdeý kezinde jaǵdaıy jeńil jáne ortasha naýqastarǵa kóp qozǵalý, kóp sýsyn ishý, dene qyzýy men júrek soǵysyn, tynys alý men satýratsııany baqylaýǵa keńes beriledi», - dedi dáriger.

Buǵan deıin QR Densaýlyq saqtaý mınıstrliginiń shtattan tys bas ınfektsıonısi Dınagúl Baesheva balalardy vaktsınalaý jasyn tómendetý talqylanyp jatqanyn aıtqan edi.