Koronavırýsty birge jeńemiz – Almatynyń ardagerleri Elbasynyń tezirek saýyǵyp ketýin tiledi

NUR-SULTAN. QazAqparat – Almatylyq Nesiphan Batyrhanova esimdi zeınetker Almaty qalasynyń Alataý aýdanynyń ardagerler keńesi atynan Elbasy Nursultan Nazarbaevqa tezirek saýyǵyp ketýin tilep, ońtústik astana halqynyń yqylasyn joldady, dep habarlaıdy QazAqparat tilshisi.

«Qurmetti Elbasy! Nursultan Ábishuly! Jańalyqtardan sizdiń aty jaman aýrýǵa dýshar bolyp qalǵanyńyzdy estip jatyrmyz. Men 75 jasqa toldym. Jeńispen jastymyn. Siz kórgen qıyndyqtardy men de kórdim. Biraq sizdiń aqylyńyz ben kúsh-jigerińiz bizdiń qazaq elimiz jaqsy zamanda ómir súrip jatyr. Elge qandaı eńbegińizdi sińgeni bizge ǵana málim emes, búkil dúnıe júzi biledi. Koronavırýsty da, karantındi de siz bolyp, biz bolyp jeńemiz. Alataý aýdanynyń ardagerleri túgel jınalyp keleıik dep edik. Alaıda karantın bolǵannan keıin tileýińizdi úıde tilep otyrmyz. Sol ardagerlerdiń atynan sizge tezirek jazylyp ketýdi tileımiz. Tezirek qatarymyzǵa qosylýyńyzdy shyn júrekten tileımiz», - deıdi Nesiphan Batyrhanova.

Aıta ketsek, búgin Elbasynyń baspasóz hatshysy Aıdos Úkibaı Qazaqstannyń Tuńǵysh Prezıdenti – Elbasy Nursultan Nazarbaevtyń Covid-19-ǵa tapsyrǵan synamasy oń nátıje kórsetkenin habarlaǵan edi. Soǵan qaramastan Nursultan Ábishuly ózin-ózi oqshaýlap, qashyqtan jumys isteýdi jalǵastyrýda.