Koronavırýsty anyqtaıtyn testtiń baǵasy qansha
NUR-SULTAN. QazAqparat – Koronavırýsty anyqtaıtyn eki túrli test bar. Bul týraly Qostanaı oblysy aýmaǵyna karantın engizýge qatysty ótken onlaın brıfıngte aıtyldy, dep habarlaıdy QazAqparat tilshisi.
«Koronavırýsty anyqtaıtyn eki túrli test bar. Birinshisi – PTR test. Onyń baǵasy tipti ekonomıkalyq damyǵan elder úshin de óte joǵary. Onyń baǵasy 5 myń teńge. Biraq PTR tapsyrǵannan keıin 1-2 kún ótken soń koronavırýspen aýyryp qalmaıtynyń týraly kepildik joq. Ekinshisi – ekspress test. Onyń baǵasy 800 teńgeden bastalady. Bul test adamnyń aýyryp qalǵanyn jáne nemene onyń aǵzasynda atalǵan aýrý belgileri bar ekenin anyqtaıdy», - dedi Qostanaı oblysy Taýarlar men qyzmetterdiń sapasy men qaýipsizdigin baqylaý departamentiniń basshysy Oral Bekmaǵambetov.
Ol bul testter elimizge kelgenin, kelesi aptada tıisti jerlerge jetkiziletinin aıtty.
«Bul suraqtar «Olımp» jeke kompanııasy arqyly sheshiledi. Olar qazirgi ýaqytta daıyndalyp jatyr, turǵyndar suraqtarynyń jaýabyn solardan alady. Barlyq turǵyndy testpen qamtamasyz etý múmkin emes jáne durys emes dep oılaımyn. Bul jerde keshendi túrde jumys isteý kerek. Inkýbatsııalyq kezeń eki aptaǵa sozylady», - deıdi ol.
